محكمة الحب

موضوع: محكمة الحب السبت أكتوبر 17, 2009 9:09 pm

ايه رايكم فى الفكره دى لو طبقناها

ونختار عضو بعد التانى

ومن حق العضو اختيار المحامى بتاعو

محكمتنا غير أي محكمة لأنها هتكون في الحب وبس
ومالهاش دعوة بالقواضي المدنيه والقتل والحرق والكلام الي زهقنا منه ,,,
محكمتنا محكمة للحب وعن الحب وسمتها وأساسها الحب ...
واللي بيدخل يتحاكم بنعرف من إجاباته على أسئلة الاعضاء اذا كان مذنب ولا برئ ....
وكله بالحب ...
ياترى بيعرف يحب ... ؟؟
يعرف يعني إيه هو الحب ....؟؟
. كم مرة وقع ف الحب ... ؟؟
وهكذا وهكذا
ودلوقتى ركزوا معايا في القوانين ركزوا وفتحوا عيونكم كويس

قوانين المحكمة

1- المحكمة بدايتها ستتكون من قاضي ومتهم ومحامى

2- من حق القاضى قبول او رفض إعتراض المتهم وعلى المتهم إحترام الحكم

3- للمتهم حق الاستعانه بعضو سيحدده قبل د******ه قفص الإتهام ليكون المحامي الخاص به

4- مدة المحاكمة 3 ايــــام
--------------
قوانين يلتزم بها المحامي

1- له الحق فقط في الرد على سؤالين بدلا من المتهم ..

(وده طبعا في حالة خجل المتهم من الاجابة)

2- من حقه الاعتراض على صيغة سؤال وطلب تعديله

(بعد موافقة القاضي).
----------------------
قوانين يلتزم بها الاعضاء------------

1- عدم التجريح او استخدام الفاظ سخيفه في الاسئله .

2- لو كان السؤال يجرح المتهم يعنى هيزعله بلاش منه.

3- للعضو حق السؤال مره واحده ولاتزيد الاسئله عن أربع اسئله فقط

--------------
قوانين يلتزم بها المتهم--------------

1- الاجابه بصراحه وصراحه تامه

وقبل ماترد ع الناس ولا الناس تسأل حاجه هاتقسم بالله انك تجاوب كل حاجه بصراحه

و
^-^ (قسم المحكمة ) ^-^

هو
" والله العظيم أقول الحق ولا شئ غير الحق وأكون صريح في كل اجاباتي "

*-مش من حق اللى جوا القفص ( المتهم ) ان يطلب انه ينسحب في اى وقت .

بس خلاص ها اختار القاضى يكون masto
ومن حق القاضى يختار اى عضو للمحكة
وشكرا

موضوع: رد: محكمة الحب السبت أكتوبر 17, 2009 9:29 pm

ايوة كدة فكها
فكرة جميلة يا قيصر .
ابداها.
ونسلم ايدك.
وتقبل مرورى.
كول مان

ايه يا عم القاضى مش لاقى
حد تسجوابه ولا ايه
انا راي تبدء بمصراوى

فكرة جميله يا قيصر
بس ليه يابني تبدأ بمصراوي

دا انا غلبان
وماليش في الكلام ده

عموما يا جميل .. انا معاك
ويسعدني ان ابدأ معاك ..

وتسلم افكارك

مصــــــــــراوي

فكرة حلوة جدا يا قيصر انا معاك برضو من رأيى نبدأو بمصراوى

تسلم الدك يا قيصر على الافكار الجامده

وانا رايىء تبدا بمصراوى

عرفاااااااااااااااااااااوى

موضوع: رد: محكمة الحب السبت أكتوبر 24, 2009 12:37 am

يالهوى يا خرابى يا سوادى
كل عايز يتفرج عليك
مصراوى يبقى جهز اغنية اتفرج على نفسك يلى
يلا يحدد له جلسة تحقيق فى الايام القادمة

موضوع: رد: محكمة الحب الجمعة أكتوبر 30, 2009 7:09 pm

قيصر جامدة جدا
ومثبتعشان التوبك يشتغل

مصراوى ازيك
قول والله العظيم اقول الحق
ولا اقول غير الحق
السوال الاول
ايه الى مش عاجبك فى نفسك وعايز تكون مين؟
السوال الثانى
هل تجرؤ انا تدوس على اى شخص حتى لو كان صاحبك للوصول لاى هدف؟
السوال الثالث
هل انت طماع وانانى؟
السوال الرابع
كم مرة جبيت وكنت بتمنى تكون معه للنهاية وليه مش بتمنى انك تكمل النهاية

شكرا ياروح قلبى من جوه
واياك تنسى القسم
قيصر

KAISER كتب:: مصراوى ازيك

تمام الحمد لله

قول والله العظيم اقول الحق
ولا اقول غير الحق

والله العظيم اقول الحق ... ولا اقول غير الحق

السوال الاول
ايه الى مش عاجبك فى نفسك وعايز تكون مين؟

انا الحمد لله راضي عن نفسي بصفه عامه
بس ممكن نقول .. مش عاجبني في نفسي اني عصبي
وشويه متسرع .... ومتشائم ... وكسول
هههههههههه شردت نفسي خالص يعني
وعايز اكون الحد اللي بحلم بيه ...
مش حد غيري يعني

السوال الثانى
هل تجرؤ انا تدوس على اى شخص حتى لو كان صاحبك للوصول لاى هدف؟

هل اجرأ ولا هل اقبل ؟
في فرق علي فكرة
بس في كلا الحالتين .. لا طبعا مش ممكن اعمل كده
لانه ميصحش باي شكل
ومش ممكن طبعا اضحي بأي صديق في مقابل الحصول علي هدف
الحاجات دي بتروح وتيجي ... بس الصديق مش بيرجع
وكذلك الامر تجاه اي شخص غير الصديق بردو

السوال الثالث
هل انت طماع وانانى؟

علي فكرة في تباين في معني الطمع والانانيه
لو بالمعني المتعارف عليه
لا الحمد لله انا مش طماع ولا اناني

بس لو اخدناها بمعني تاني ...
اه انا طماع في العلم ...
طماع في الحب
كده يعني ...
لانه في حاجات الطمع او الانانيه فيها بتزيدها جمال وشغف

السوال الرابع
كم مرة جبيت وكنت بتمنى تكون معه للنهاية وليه مش بتمنى انك تكمل النهاية

هههههههههه السؤال دا مضحك اوي
كام مرة حبيت ايه ؟
دا حب ... مش حاجه سهله يعني
مش بغير تي شيرتات انا يعني
وبعدين انا عندي 21 سنه .... هلحق احب كام مرة في نظرك كده ؟

واتمني اكون مع الحد اللي بيملي قلبي .. والحد اللي بشوف فيه انه بيكمل حياتي
للنهايه
وننهي قصه حبنا بارتباط رسمي
لانه نهايه اي قصه حب في النور ... هو الارتباط الرسمي

شكرا ياروح قلبى من جوه

شكرا ليك انت يا قيصر يا حبيبي
وعايز بس اقولك
جميله اوي فكرة التوبيك

واتمني اكون موفق في الاجابات
وعلي فكرة من غير قسم بردو ...
كنت هقول نفس الاجابات

احب اشكرك علي الاستضافه الجميله
وبالتوفيق
واهياك تنسى القسم

لا منستش القسم

قيصر

موضوع: رد: محكمة الحب الخميس نوفمبر 12, 2009 6:53 am

بجد روعة يامصراوى واجاباتك

تدل على شخصية جميلة جدا

بس حاول تبطل التسرع والعصبية

حتى تعيش فى راحة بال وامان

واسمحولى على المداخلة

كول مان

موضوع: رد: محكمة الحب الأحد نوفمبر 15, 2009 10:38 am

طيب .... اللى هتجهز نفسها المحاكمة الجاية اميرة الحب
بانتظار ردك على طلب المحكمة
رفعت الجلسة

el 2ady >> masto

موضوع: رد: محكمة الحب السبت أبريل 10, 2010 3:28 pm

موضوع جميل جدااا بجد
تقبلوا مرورى

موضوع: رد: محكمة الحب الخميس أكتوبر 07, 2010 9:40 pm

نيس
يابوب بجد اخر حاجه تسلم

» صعب .. و الأصعب .. في [ الحب
» الحب كما يجب ان يكون ..!!
» الحب هو .....
» الخجل في الحب
» التقل في الحب