كل ده قلبى اللى حبك لسة بيسميك حبيب
اكيد مهما جرح فينا اى حد بنحبه ومهما عذب فينا مش هنقدر نكرهه او ننساه لان حكم القلب بيبقى اقوى من حكم العقل
لان العقل بيقول شمال والقلب بيقول يمين وكل واحد ماشى فيهم فى سكة لوحده ملهوش دعوة بالتانى
وكل واحد فيهم فاكر نفسه هو اللى صح هو اللى بيخلى دنيتنا بمبى وهو اللى بيخليها سودا
مش عارفة بس اكيد كل واحد حب وانجرح وعارف القلب بيعمل فينا اية
بس انا عايزة اسأل ليه
مهما عمل فينا اللى بنحبه مهما جرح فينا برضة بنقدر نسامحة
بيقدر قلبنا يحبه اكتر واكتر
بيقدر قلبنا يسامح ويغفر اكتر من مرة
وعايزة اسأل برضو
الناس الوحشة اللى بيقولوا قلبهم قاسى
خلوا قلبهم قاسى ازاى
ولا هية طبيعة بتبقى فيهم من الاول
ماعتقدتش ان فى انسان اتخلق قلبة قاسى كدة على طول
ولا هما مش بيحسوا ولا اية نظامهم
ولا حابسين قلبهم عزلينة عن اى حاجة ممكن تاثر فية
ولا هما عايزين كده ولا هما حابين كده؟؟
وعايزة اعرف بس اية اقل كلمة ممكن تتقال للناس دى؟
المزاج
