استفد بفترة الخطوبة على قد ما تقدر ...راقب... حلل ...استنتج.... استكشف
حتى لو جبت جرنال مخروم وراقبت شريكك من بعيد
طبعا كل الكلام إللي فات ده مجرد هزار ومجرد عادة سلبية بنمارسها قبل الجواز وساعات بنبالغ فيها لحد ما الموضوع يبوظ أصلا
تلاقي البنت مراقبة خطيبها لو أعطى الجرسون أقل من خمسة جنيه تبس تقول عليه بخيل
ولو ماشي في الشارع واشتكى من الجو تقول عليه فرفور وبيشتكي كتير ومش عاجبه العجب
ولو مخدش باله من عدد البنس إللي في شعرها يبى حمار ومبفهمش في الحب ولا الرومانسية
وبرضو الراجل بيراقب خطيبته وهي مش واخدة بالها وهوا بيكلمها
يعني مثلا تلاقيه بيسألها "إيه رأيك في فيلم حبيبي دائما" تقوم هي قايلاله "بلا نيلة ده فيلم بارد دا أنا بنام لما بشوفه" وهو طبعا خد أول صدمة بعد لما اكتشف إنها مش رومانسية ويقول لنفسة بابين عليها نكدية ومش تعمر معايا
طبعا كل الشباب والبنات في الخطوبة بيلاحظو سلوكيات بعض بدقة شديدة عشان لما العركة تشتد في الجواز يكونو عارفين هيتصرفو إزاي ومعاهم أسلحة المواجهة
ولكن ياجماعة الموضوع ميجيش كدة خلاص لازم
منبقاش متصيدين للأخطاء
منبقاش واقفين على الواحدة
منبقاش بنطلع القطط الفطسانة فى بعض
يكون كل واحد فينا نيتة صافية وقلبة ابيض للطرف التانى
ونعامل بعض ... كما نحب ان يعاملنا الناس
ونتذكر دئما
الطبع يغلب التطبع
يعنى خليك على طبيعتك
باختصار منبقاش زى ماري منيب فى الافلام
المزاج
