اهميه عضله العين في تثيبيت البنات

أنا عايز أكلمكم انهاردة على فن لازم يبقى عند معظم الشباب

( إزاي تثبت بنت )


في مؤتمر في سويسرا لبحث كيفية تثبيت البنات
تقدمت ببحث في تأثير حركة العين الشمال عند الولد
على عملية التثبيت و توصلنا في البحث
إن البنت أول حاجة بتلاحظها في الولد حركة النني

و عدد شعرات الرمش لذلك لابد أن تحرص على تدريب
عضلة النني من أربع إلى خمس ساعات يومياً
مع إتباع نظام غذائي محدد علشان تعرف تثبت ..


الولاد


مش عايز أتوهكم و أدخل في مسائل علمية
لإني عارفكم جهلة ولذلك هشرحلكم بالبلدي

يعني أول ما تشوف البت تروح يا معلم مشغل العضلة الشمال للنني
و تغمز غمزة 2 قدم و نص بزاوية ألفا 27 درجة
و تروح قايلّها
(لوسمحتي ممكن دقيقتين من وقتك؟)

أول ما تسألها السؤال ده

-:اللي هيحصل كالاتى


الإحتمال الأول

انها تقول ( نعم ) و ده بنسبة 65% و هيترتب عليه اللي هنقوله بعدين ....


الإحتمال الثاني

انها طبعا تقول ( لا ) و ده بنسبة 80 %
و محدش يسألنتي إزاي و هيترتب عليه اللي هنقوله بعدين برضه...

الاحتمال التالت

و في طبعاً آخر إحتمال بنسبة 100%
إن هي هتبصلك بقرف و مدام بصتلك بقرف

يبقى انت مفهمتش موضوع العضلة...



-:ونرجع للإحتمال الأول

انها تقول ( نعم ) ترد انت تقول (نعم الله عليكي)
هتقولك (خير)
قولها
(خير ان شاء الله)
و تشغل العضلة بس اتوصى و إتّك عليها شوية
هتقولك (مال عينك ؟)
قولها (خناقة)
و بكده تصعب عليها تروح هيا مكلماك و تظبط يا معلم
وهتعيش بس ابقى عرفني على بنت خالتها ......



الإحتمال الثاني

انها تقول ( لا ) في الحالة دي بقى عايزة تتكلم بس هي بتتقل
و مدام تقلت
يبقى خرشمت و موضوع العضلة صعب في الحالة دي ،

إذن مفيش غير موضوع أنا كنت عرضته في مؤتمر تاني في السنغال الشرقي

ة لأن الطريقة دي أثبتت فعالية في تثبيت البنات السو
د و اللي بيتقلوا اللي هي (طريقة 325 جنايات)

تقولها بستهزاء و انت بتبتسم إبتسامة ساخرة
( ايه التقل ده انتي حاطة في جيوبك ظلط ؟ )

طبعاً هي ممكن يغما عليها من دمك الخفيف يا خفيف ،
فا هتروح انت مدي ميزد كول للإسعاف بالموبيل بتاعك
، هما طبعاً مش هيفهموا حاجة من الميزد ده لكن هي هتفوق
و تروح مرمية في حضنك
بمجرد انها شافت الموبيل معاك ويسلام لو بكاميرا


و بكده انت بدأت تحط رجلك على طريق التثبيت
بس اغسلها الأول
وبلاش تحط رجلك و هي مش نضيفه و خطي برجلك اليمين


وابقى قابلني لو إتعرفت على أي بنت.[b]

على فكرة انا عرضتها السنة اللى فات فى الؤتمر اللى انت بتقول علية دة وناس اقتنعت بالكلام دة وانا السنادى هروح اشوف اخر التطورات فى الموضوع والدراسات الجديدة فى الموضوع واعرض شوية كمان بس استى بعد المؤتمر
وخد بالك من عينك [center]

ههههههههههههههههههههههههههههههههههههه
توبيك جامد اخر حاجه
بس ياعيني علي اللي هينفذه من الشباب
تسلم ايدك توبيك جامد
جوجو

بص بما انك سألتني فانا هجاوبك بصراحه يعني هو ده بيحصل وبنقابله فعلا كتير من زمايل بقا من ناس في الشارع لكن كل بنت وطريقتها واخلاقها وتربيتها في اللي مبتردش علي الولد(ودي محترمه جدآآآآآ وانا بحترمها جدآ جدآ) وفي اللي بتقف وتتكلم ودي برده بتبقي عشان هي عايزه كده وفي البنات اللي مابتصدق ان حد يكلمها تلزق عالطول
وملحوظه: فعلا اول حاجه البنت بتاخد بالها منها في وش الولد هي الرموش وحركة النني وده طبعآ من غير ما يقفشها وهي بتبصله (ده لو البنت محترمه وبتتكسف) اما لو كانت بنت ناس كويسين برده هتبص عادي يعني وولا هيهمها وممكن تعلق كمان علي عيونه وتقوله انها حلوه واكيد طبعآ كلكوا ولاد وفاهمين بقا وتعرفوا تفرقوا بين المؤدبه والمؤدبه برده
معلش طولت عليكوا اوي انا عارفه سوري عالاطاله
تقبلوا مروري
جوووووجوووووو