ماستو وجوجو .... وحوار مع طفل من اطفال الشوارع ..؟

[ندعوك للتسجيل في المنتدى أو التعريف بنفسك لمعاينة هذه الصورة]

الحقيقة .. انا النهاردة مش وحدى بس فى حد انا بحبة اوى معايا

البرنسس جوجو وكنا قاعدين بنتكلم وجت فكرة كدة على بالنا

واحنا بنتكلم جة موضوع اطفال الشوارع .. واللى بيحصلهم كل يوم

ومن هنا هنا جت الفكر قولتلها .. طيب ياجوجو متيجى ننزل للاطفال دول الشوارع

ونتكلم معاهم وشوف يومهم بيبقى ازاى واية اللى بيحصلهم فى الشارع وعايشين ازاى

واخدت جوجو وخرجنا ونزلنا الشارع ... وتعالو بقى نحكيلكو اية اللى حصل معانا

*******************

بجد احنا لما نزلنا اتصدمنا ... من اللى شوفناة

صبيان وبنات ... وسط الزحمة

واطفال ابرياء .. بيقولو فين الرحمة

مأساة بجد ... اطفال وشباب .. بتسئل هو احنا مش بشر

هو احنا مش زيكو ... فين الرحمة ...

واللى يقول انا تاية .. واللى يقولى ليا ولجوجو عارفين معنى

الغربة .. عارفين معنى التوهة .. عارفين لما اكون عايش متاكد

ان مفيش بكرة .. صايع .. ضايع ... بجد حرام دماااااااار فى

الشارع

حبينا بقى نسئل واحد منهم ..

قابلنا واحد ..

جوجو وقفتة !!

تعالى ياحبيبى اقولك

اسمك اية ..؟ اسمى ظاظا

طيب انت منين ..؟ انا من الشارع

انا سئلتة ...ياحبيبتى انت مش ليك بيت وبابا وماما ..؟

ظاظا.. لاء مش ليا ليا الشارع بيتى واهلى وبنام فية واصحابى

وكل حياتى فية

استغربت جوجو اوى .. ياحبيبى فين مامتك ...؟

ظاظا .. ممكن تسبينى وتوسعى كدة خلينى امشى عايز اروح اتكيف

يتكيف .. مسكتة تعالى ياحبيبتى هقولك ...

ظاظا .. يعم فكك ..انا الفك فى ورقة لحمة من ام جنية

جوجو .. طيب ياحبيبى انا هجيبلك اكل ولعب وحاجات كتير اوى

بس تعالى نتكلم شوية

ظاظا .. ماشى .. هاخد خمسين جنية

جوجو.. كل اللى انت عايزة هتاخدة

سئلتة انا .. بجد بجد اسمك اية

ظاظا .. مش قولنا ظاظا .. ومش اعرف اسم تانى غيرة

نفسك فى اية .. ؟

ظاظا .. يعنى لو قولت هتعملى فيها عفريت المصباح وهتحققلى

حملى

جوجو .. طيب قولو يمكن يعرف .. حلمك اية ياظاظا

ظاظا .. كان نفسى ادخل مدرسة وابقى زى الولااد اللى بشوفهم

كان فى امى وابويا معايا .. ها هتعرف تحقق يابية

بجد ... مقدرتش اجاوبة وارد علية سكت .. واتكلمت جوجو

طيب ياحبيبى .. انت مش كنت فى مدرسة الاصلاحية ..

ظاظا .. اةةةةةةةة !!! هو انتو منهم عايزين ترجعونى تانى

ضرب وذل ومرمطة .. حرام عليكة الشارع احسن

يلاا انتا وهيا امشو بدل مزغكو

طلع مطوة بجد زوهلت انا وجوجو .. لاء لاء لاء ياحبيبى احنا مش

منهم .. واهوة ادينا ماشين وادى الخمسين ... سلام ياجميل

اتكلمى انتى بقى ياجوجو ... انا تعبت بجد من اللى شوفتة

دى حاله اطفال من اطفالنا
يمكن لما بنسمع كلمه طفل ولا بيبى بنبتسم
ونحس انها حاجه رقيقه
حاجه جميله
بس انا واثقه اننا قصاد الاطفال والاولاد دول هانحس حاجه تانيه
يمكن نخاف منهم
يمكن نزعل عليهم
يمكن قلوبنا تتقبض
ويمكن نقول ايه القرف ده
ويمكن نقول ياحراااااااااااااام
ويمكن نقول لا حول ولا قوه الا بالله
ويمكن نقول حسبى الله ونعم الوكيل
ويمكن نقول اكيد دول من بيئه .....؟؟؟
ويمكن نقول اكيد هربانين
ويمكن نقول حاجه تكسف
طيب ليه ياكبير
ليه ياغنى
ليه ياصاحب النفوذ
مش تداوى الحاجه اللى تكسف دى عشان يبقا مفيش حاجه فى بلدك تكسفك

بدل الحفله اللى بكذا
بدل اللبس الى بكذا غيرك عريان وبردان

انا مش هاكمل الموضوع لانى عاوزه ان كلنا نشارك
اللى يقدر يقول كلمه
يمكن مش هانقدر نساعد بس يمكن كلمتك يكون لها تاثير
ويمكن تكون كلمتك تعمله حاجه يوم من الايام او تكون عون ليه
اللى عنده مشاركه او راى او حل للقضيه دى او اى معلومه عنهم يقدر يضيفها
اتمنى الاقيكم على الصفحه دى ومش هاقول صفحتتنا بس هاقول صفحه اطفال اتحرمت حتى من اقل شئ ممكن يعيشوه

واشوفكم فى الردود وياريت اللى ليه وجهه نظر فى راى اللى قبله او اضافه يقولها

دة موضوع جة على بالنا .. قولنا نتكلم فية ونشارك ..

بجد مأساة ياجماعة واللى شايف ينزل الشارع يشوف بعينو ..

ويلاا اسيبكو انا وجوجو بقى .. تقرو التوبيك ..

اوعو تنسو ... عايزين نعرف اية وجهة نظركو

masto<<<<<<<<<<>>>>>>>>>>>>>>gogo

.بجد تسلم ايدكم يا ماستو انت وجوجو
على التوبيك الرائع والجميل
وعندكم حق لان اطفال الشوارع مشكله كبيره
ولازم تتحل مثل ما قلتم
ليه الغنى والكبير الى بيعمل الحفلات بــ الاف
ليه ما يفكروش انهم يكسو طفل شارع او
يكسو اسرة فقيرة مش هكلفهم كتير
لو كلفو مصاريف لبس 100 اسره
مش هييجى 1/4 الى بيعملو بيه الحفله
ولا الى بيشترو بيهم لبس لنفسهم
ليه مش يحطو نفسهم مكان الطفل الضائع فى الشارع
او الاسرة الفقيره ليه هى الدنيا غنا بس
مش بيفكرو ان ممكن ربنا ياخذ منهم كل شىء
ويخليهم زى الاسرة الى مش لاقيه تجيب رغيف العيش
هى دى بيعده عن ربنا
لازم الناس تتقى الله فى اموالهم لان المرء يسال عن ماله يوم القيامه
من اين اكتسبه وفيما انفقه مش بيخاف لما ربنا يساله
وديت مالك فين
مش هيبقى مكسوف لما يقول عملت بيهم حفله ساخره
ايه هيقول لربنا ؟؟؟؟؟؟؟؟؟؟

بجد تسلم ايدكم يا ثنائى يا جميل

موضوع جميل اوي يا جماعه
وفكرة جديده .. وجميله

بالنسبه للموضوع
انا بشوف ان مشكله اولاد الشوارع
مشكله مشتركه وليا اكتر من طرف او سبب

اولهم الاسرة
لو بصينا للاسرة وافرادها هنلاقي انهم اهم حاجه .. يجيبوا اولاد
بغض النظر عن هيعرفوا يربوهم ولا لا
او هما هيقدروا يتحملوا مسئوليتهم من عدمه
المهم يخلفوا اولاد كتيرة ..
وعلي راي ام العروسه .. يغلبك بالمال .. اغلبيه بالعيال

وتانيهم مستوي المعيشه
يعني الغلا اللي بوظ الدنيا
وارتفاع الاسعار .. وبالتالي مستوي المعيشه بقي مش اد كده

وفي اسباب تانيه كتيرة ..

واناشايف انكم بتلوموا اصحاب النفوذ والفلوس علي انهم مهملين في اولاد الشوارع

طيب من باب اولي نلوم الناس اللي بترمي الاولاد دي في الشارع
والناس اللي باديها تحل او اللي هما اصلا السبب في المشكله

موضوع جميل اوي بجد
وقضيه محتاجه مساحات واسعه من المناقشه

وفكرة جميله اوي يا ماستو
وانا معاك يا واد كل يوم .. بعتني يعني ونزلت الشارع انت وجوجو هههه

سوري للاطاله ..
وتقبلوا مروري

مصــــــــــراوي

موضوع يستحق الشكر والتقدير يا(ماستو جوجو)
وعلى فكرة الموضوع لامس القلب قبل ما يلمس العقل المشكلة دى منتشرة جدا بس اكيد لكل مشكلة سبب وانا من رأيى ان اهم عامل ظروف الانسان اللى بتحكم عليه
لان الاطفال دول لو اتربو تحت ظروف تساعدهم على الحياة مش كانو وصلو للى هما فيه دلوقتى واكيد الاهل مش عايزين يخلفو علشان يرمو ولادهم بس برضو كله يرجع للظروف

موضوع وجهد تشكر علية ماستو وجوجو
اطفال الشوارع موضوع متشعب والعوامل المؤثرة فية كتير جدا
ويارب تنتهى هذة الظاهرة من مصر
لانة موضوع صعب جدا
وتسلم ايدك ماستو وجوجو

وتقبلو مرورى
كول مان

3rafawy كتب:: .بجد تسلم ايدكم يا ماستو انت وجوجو
على التوبيك الرائع والجميل
وعندكم حق لان اطفال الشوارع مشكله كبيره
ولازم تتحل مثل ما قلتم
ليه الغنى والكبير الى بيعمل الحفلات بــ الاف
ليه ما يفكروش انهم يكسو طفل شارع او
يكسو اسرة فقيرة مش هكلفهم كتير
لو كلفو مصاريف لبس 100 اسره
مش هييجى 1/4 الى بيعملو بيه الحفله
ولا الى بيشترو بيهم لبس لنفسهم
ليه مش يحطو نفسهم مكان الطفل الضائع فى الشارع
او الاسرة الفقيره ليه هى الدنيا غنا بس
مش بيفكرو ان ممكن ربنا ياخذ منهم كل شىء
ويخليهم زى الاسرة الى مش لاقيه تجيب رغيف العيش
هى دى بيعده عن ربنا
لازم الناس تتقى الله فى اموالهم لان المرء يسال عن ماله يوم القيامه
من اين اكتسبه وفيما انفقه مش بيخاف لما ربنا يساله
وديت مالك فين
مش هيبقى مكسوف لما يقول عملت بيهم حفله ساخره
ايه هيقول لربنا ؟؟؟؟؟؟؟؟؟؟

بجد تسلم ايدكم يا ثنائى يا جميل

تسلم يا عرفاوي
نورت التوبيك بمرورك
وبجد عندك حق في كل كلمه انت قولتها
نورت مره تانيه
جوجووو

مصراوي يا قمر تطول براحتك
وانا قولته ناخد مصراوي معانا
مرضيش
ياابني هيزعل برده مفيش فايده
بايعك... بايعك يعني
انا بهدي النفوس بس علي فكره يعني
وبالنسبه لردك علي التوبيك بقي
انا معاك ان الاهل هما السبب في المشكله دي وعدم الوعي
اللي بيبقوا فيه والاندفاع في انهم يخلفوا الاطفال وهما مش عارفين هيربوهم ازاي
نورتنا يا قمر بمرورك الحلو ده
ويارب تكون منورنا بردودك كده عالطول
جووووجووو

ربنا يخليكي يا عسوله
بجد نورتينا
بس هما اكيد كانوا عارفين الظروف وهما بيجيبوا الاطفال دي
مش لازم نظلم الظروف عالطول معانا
الناس هي اللي بتتحكم في مصيرها
تسلمي يا قمر
وميرسي لمرورك وردك عالتوبيك
جوووجووو

طبعآ مروك مقبول يا كول مان

وتمر براحتك ياجميل

وعندك حق الكلام في الموضوع ده مبيخلصش

ومفيش غير اننا ندعي ونحاول نحله

وربنا موجود بقي

نورتنا يا قمر

وميرسي علي مرورك وردك

جووجوووووو

طبعآ مروك مقبول يا كول مان

وتمر براحتك ياجميل

وعندك حق الكلام في الموضوع ده مبيخلصش

ومفيش غير اننا ندعي ونحاول نحله

وربنا موجود بقي

نورتنا يا قمر

وميرسي علي مرورك وردك

جووجوووووو

» ماستو حماقى اهو
» غرف نوم اطفال