عارفه ليه ؟

ازيكم

حبيبتي يا روح قلبي ...

هو انا ليه بفكر فيكي كده ؟
ليه واخده كل تفكيري ... ومش عارف افكر في حد غيرك .... وكل ما أجي افكر في حاجه تانيه
الاقيكي انتي الحاجه التانيه دي ..
عارفه ليه ؟
علشان دايما في بالي .. وعقلي خلاص معاكي

هو ليه بتوحشيني كده ؟
ليه بتوحشيني بمجرد ما بتغيبي عني دقايق ... لا دا انتي بتوحشيني وانتي معايا ..
وبكون عايزك علي طول .. ولا تغيبي عني ثانيه
عارفه ليه ؟
عشان بلاقي روحي وانتي جنبي

هو انا ليه دايما شايف صورتك ادامي ؟
علي طول ادامي ومعايا .. ملامحك في كل حاجه حلوة ... ومش شايف غيرك ..
وصورتك مش بتفارقني .
عارفه ليه ؟
لانك شبه الملايكه

هو انا ليه بقيت اشوف كا حاجه حلوة ؟
كل حاجه بقت احلي ... بقيت شايف الدنيا بشكل تاني . وكل حاجه فيها جميله ..
وبتبتسم لابتسامتك .
عارفه ليه ؟
لانك بريئه اوي .. واحلي حاجه في الدنيا .

هو انا ليه بقيت نفسي اعيش الحياه اوي ؟
بقيت حابب الحياه اكتر وانتي فيها .. نفسي افضل فيها جنبك .. ولا نبعد ابدا ..
عارفه ليه ؟
لانك انتي الحياه .. وانا نفسي عيشك بجد

طب هو انا ليه بقولك كل الكلام ده ؟
ليه بقولك كده ... وليه انا وقلبي حاسين بده ..
عارفه ليه ؟
عشان بحبك .. وهموت لو مش معايا وفي دنيتي
بحبك اوي



..........................
يارب يعجبكم

مصــــــــــــــــــراوي